Langzaam dreit de luchtballon
tusse witte wolke, nar de zon
letste zucht, umhoeg, ver weg
verder weg, zo ver weg
en nemus wit woarhen
hiel lieg oaver ’t spoar
aafgeleage boorderie
nar ‘t volgende joar
giet ‘ie langzaam vurbeej
oaver tractors in de wei
verdwient ‘ie oet ’t zicht
en nemus din zuut ‘t latste licht
op ‘t end van d’n daag
de kerk in de schemering
dan vermindert heej vaart
dit bild blieft vur altied bewaard
want vanaf heej
kan ik Serum nit mier zeen
‘t derp en ut plein goan langzaam
stiks wet verder weg
ik kan Serum nit mier zeen
groete boem doar in ’t veld
wurd langzaam stiks mar kleiner
de kruusboem en de blakt
woar oeit de puinplats waas
dor ‘t greun ingepakt Linderströtje dor ’t graas
op dun Berge ‘n paar huus
minse hiel dicht bij elkaar
Café Vrietensjang, hoe ‘t vruujer waar
langs de Meulebeak dor de Gats
neave de megjesschool
d’n bronzen Eazel op de mert
droeme van ’t Soar
hoeg boave ’t Loar
kan ik Serum nit mier zeen
‘t derp en ‘t plein goan langzaam
stiks wet verder weg
ik kan Serum nit mier zeen
groete boem doar in ’t veld
wurd langzaam stiks mar kleiner
zo klein, en dan vervaagt de naam
en de allerletste blik, din verdwaalt dor ’n raam
dit moment blieft vur altied van mich
ik kan Serum nit mier zeen
‘t derp en ‘t plein goan langzaam
stiks mar verder weg
ik kan Serum nit mier zeen
groete boem doar in ’t veld
wurdt langzaam stiks mar kleiner
langzaam dreit de luchtballon
tusse sterre nar de moan
letste zucht, umhoeg, ver weg
verder weg, zoe ver weg
en nemus wit………..
