Tekst en Muziek: Jack Poels
Heej het alles meigemakt, het ‘t allemoal gehad
verwende muzikanten met champagne in ’n bad
teage de verdrukking in, oaverleafde heej de rest
zien klok is in dit leave al drie kier rond gewest
Heej let op iederien, heej regelt de ganse daag
journalisten, zangers met ‘n stuk in urre kraag
heej wakt oaver zien eigendom, is koning van zien land
van podium tot pisbek, heej het alles in de hand
Koning Jan, is baas in zien paleis
heej zwaait zienne scepter in ’t Pinkpopparadijs
Met zien zwoare stem het heej genog an mar ien woard
heej staart vanaf ‘t daak nar lange rijje an zien poart
zien oege die zien scherp en snijje oaveraal dorhin
‘s oavends droemt heej soms van ‘n splinternij begin
Dan zet ‘ie teage Tilly, met de hand op zienne baard
al dat moeis van Pinkpop dat mot good weare bewaard
in ‘n museum woar straks iederien alles wir kan zeen
van Carnapop, naar Landgraaf, via Baarlo en Geleen
Koning Jan, is baas in zien paleis
heej zwaait zienne scepter in ’t Pinkpopparadijs
Heej zwaait nog elke daag zien groete hand hoeg in de lucht
en schrieuwt zien eige meining ok als niemand d’r um vrugt
dan leupt ‘ie wir wat verder enne grijns um zienne mond
zien spoare stoan in Limburg vur ieuwig in de grond
Koning Jan, is baas in zien paleis
Heej zwaait zienne scepter in ’t Pinkpopparadijs
